തണുപ്പത്ത്...

തണുപ്പില്‍ നീ പറഞ്ഞ കഥകളെ-

ത്ര വിചിത്രമായെന്റെ

നെഞ്ചകത്തിലടരായോരു

കോണില്‍ കല്ലിച്ച് കിടക്കുന്നു.

നീ പറഞ്ഞ വാക്കുകളേറെ

വിശ്വസിച്ച ഞാന്‍ ആര്‍പ്പോടെ

കാറ്റിലവന്‍* വരുന്നതും കാത്തിരുന്നു

നേരം പുലര്‍ന്നിട്ടുമവന്‍ വന്നില്ല.......

പെയ്തോഴിയാത്ത പേമാരിയില്‍

കറുത്തയിരുട്ടിലവന്‍ വല്ലാത്തൊ-

രണപ്പോടെയെന്‍ കിടപ്പറയിലേക്ക്

ഊളിയിട്ട് കയറാന്‍ തുടങ്ങി .........

പകുതിക്കു വച്ചു തോര്‍ന്ന

മഴയില്‍ കുതിര്‍ന്നെന്‍

കുളിരിന്‍ സ്വപ്നങ്ങള്‍

തണുത്തുറഞ്ഞ് മഴയിലേക്ക് നീണ്ട് പോകുന്നു

ആത്മവഞ്ചനയുടെ തിളക്കമായി

രുന്നോ,യെന്‍ ഇറുകിയടച്ച

ഉറക്ക്ത്തിന്റെ താഴ്വര

അനാഥമാക്കിപ്പോയത്..

ഈ തണുപ്പെന്നെ നിന്നിലേക്കടുപ്പിക്കുന്നു

നീ പോലുമറിയാതെ..

എന്നിട്ടും നമ്മള്‍ ഏറെ ദൂരത്താ-

ണന്നത് അടുക്കാനാവാത്ത വിടവ്.

* രാജകുമാരന്‍